‏RapidBrow Eyebrow Enhancing Serum
.

يالله الايام كيف تمشي بسرعه... دا الرڤيو كتبتو بعد تجربتي لرابد برو في ايام حملي ... و دحين بسم الله عليه ريان سار عمرو 9 شهور و مازلت مااستغنى عن الرابد برو في عنايتي اليوميه????
.

ترا على فكره كنت ب اخليه سر مااقولو ل احد عشان الي يشوفني ماينتبه????????????..حركات حريم يالطيف( لا ترا انا مو من النوع دا بس نفسيه الحوامل لها دور????)
.
المهم قبل ماتقرأو الرڤيو لازم اول تقرأو بوستات الرڤيو و المقارنه الي عملتها عن منتجات الرموش في هاشتاق #رڤيو_دودي_بلوقشوب
.
.
ح اقلكم الهرجه اول شي انا حواجبي عاديه يعني لا هيا سميكه و كثيفه و لا هيا خفيفه و نحيفه،كدا بالنص، لاحظت شغله لمن سار عندي فقر دم و مع اضطراب الغده حواجبي مرا خفت سارت فيها فراغات كنت لازم ارسمها،لدرجة اني فكرت بالميكروبيلندق مع انو تعرفوني مااحب دي الاشياء،و الحمدلله من خيره ربنا مافي ولاوحده وافقت تعملي و انا حامل.
.
قلت بس مالي الا اجرب سيريومات الحواجب،جربت اورمانا لحواجبي مرا مرا ماشوفت نتيجه تذكر، استخدمت ريڤيتالاش (المخصص للحواجب) و برضو صراحه مالقيت نتيجه تحمس مع اني اعشق ريڤيتالاش (المخصص للرموش) و اتوقعت تبع الحواجب حيعطي نتيجه تحمس كمان،بس ماشوفت شي يحمس.
.
و استخدمت كمان الرابد لاشز (تبع الحواجب و الرموش سوا) و مو مره النتيجه واضحتلي.
.
ف ك اخر حل جربت الرابد برو الازرق(المخصص بس للحواجب)حتى الراس زي المسكرا.
.
 بنات مهما اقلكم قديش فرقت عليا حواجبي اخاف تقولو تبالغي،بس والله مرا ماابالغ كانت شي و سارت شي تاني تماماً حتى احسن من طبيعتها الي كانت قبل دا كلو ( اكثف و اسمك و اغمق ) بكثير الكثير .. لاحظت التحسن بدأ بعد عشره ايام الي خلاني اتحمس اكمل عليه الين ماتقريبا كملت عليه الى الان شهرين،و النتيجه فوق المبهره و فرقت عليا حواجبي حتى اكثر من طبيعتها،مبسوطه من النتيجه حقيقي،و قلت لازم اقلكم على اكتشافي الجميل،مااتوقع قيد احد اتكلم عنو للان، ارسلت منو كمان للولو ساريه مرا حابه تجربو و تقولنا نتيجتها،اثق ب احكامها ع المنتجات و غالبا اذواقنا تتفق ، وعشان مااكون لحالي الي جربتو و شوفت النتيجه.
.
اتوقع كمان حينفع للي بحواجبهم شيب لانو لاحظت يغمق لون الحواجب تكة و كمان من ضمن صور القبل و بعد لوحده حاطه نتيجتها كان فيه شيب بحواجبها و اختفى
.
.
.