مشقر الشعر بماء البابونج-مانزنيلا
.
دا البخاخ الي خلاني انفقع حماس اليوم ..
.
وصلتني الشحنه اليوم .. اول سؤال سئلتهم ينفع للحامل؟.. قالولي ينفع للحامل و الاطفال كمان .
صراحه ماكان ليا مزاج اجربو و كانت قافله معايا.. بس الفضول الي جوتي ماسمح للموضوع يمر بسلام????
.
طب ح اقلكم شي انا انسانه احب شعري و اخاف عليه ف ماافتكر الا مرتين او 3 الي صبغتو فيها قبل سنين .
.
لا و كمان مااعمل لاقصات و لا شي اخليه يطول براحتو و لو مره اتحمست اقص غرتي لحواجبي.. و خلاص كدا انا اشوف نفسي????
.
المهم متخيلين الملل الي انا فيه نفس المنظر من كم سنه .. ف لمن وصلني مشقر الشعر و بخاخ و شي سهل و كلها ابلل شعري فيه و اخلص .
.
قلت قدام.. غسلت شعري و استخدمتو الساعه 4 العصر قيد قرأت انو النتيجه اساساً حتظهر بعد 3 ايام و كمان ممكن ماتبان الا لمن تستخدميه مره و 2 و 3 ... بخبخت الين ماقفلت معايا اكثر قلت ايش ورطني انا مافيا حيل من غير شي????.. المهم يقولو عشان تبان النتيجه بسرعه المفروض تمشي الاستشوار عليه.. تحسبوني مشيتو؟..ههاي ماطرالي حتى .
.
على الساعه 8 شعري نشف تماما و مااهتميت صراحه اني اشوف النتيجه ????????????.. بس شوفت و ياسلاااااام شعري فتح درجتين عن درجتو ????.. يالله كميه القلوب الي سارت على راسي مرا حبيت حبيت و مسكت الاستشوار و شديت الهمه ابغى اقوم اتشيك خلاص انبسط بنفسي
.
الي حمسني عليه انو المنتج بمويا البابونج و محتوياتو طبيعيه ماتأذي الشعره و فوق دا بخاخ يعني مشيت على كل شعري و مشطت بمشط .رفيع و كلو مااخد مني 10 دقايق.. للامانه انا ماافهم في دي الاشياء ف مااعرف ليه بان اللون بسرعه فيا ممكن لانو نظيف بلونو الطبيعي و ممكن لانو اساسا مو اسود .
كمان مااعرف لو يغطي الشيب او يغير لونو لاني ماشاءلله ماعندي شيب ف ما حقدر افتيلكم .
.
تصدقو من جمال اللون قلت ياريتني خليتو مع العادات و التقاليد و التغيير بعد النفاس????????❤️ اطلع عروسه
.
.
ح انزلكم التفاصيل ببوست المنتج و طريقتو و كل شي .
سمعت انو في مشاهير اعلنو عنو بس اساسا انا مااتابعهم الي قالو عنو .. لكن في كذا بنت طلبتني اوفرو عشان الصيف و التان .. بيكون خققه.. على فكره يا اني جايبتلكم مدغدغات مشاعر للتان و الصيف.. ????❤️ بس اصبرو توصل .
.
المهم ابغى خرجه سار لون شعري حلو ????????????

مشقر الشعر بماء البابونج من مانزانيلا .
الي ح اكتبو هنا مو تابع لكلامي.. بس تعريف بالمنتج من المكتوب عندهم.. المنتج اسباني
.
اجوبتهم على الاسئلة الي بتنسئلهم ..؟
.
بمكونات طبيعيه امنه للحامل و حتى الاطفال .. ينفع للي عاملين معالجات .. و ينفع للي يستخدمو الحنا بس بعد شهرين من استخدامك للحنا.. يغطي الشيب الخفيف فقط.. و تظهر النتيجه بعد 3 ايام من الاستخدام.
.
فوائد بخاخ البابونج للشعر:
.
يستخدم لتشقير لون الشعر من اللون البني الى الافتح بحسب لون شعرك الطبيعي،فإذا كان لون الشعر غامق يزيد من بريقة و قوه لونه.يعطي الشعر لمعان و بريق جذاب يقوي بصيلات الشعر لتنمو بشكل اقضل دون تقصف.يعالج تساقط الشعر و يجعله كثيفاً(???? مدري حسيتها قويه بس استنى اشوف لانو شعري سريع التقصف )
.
قبل الاستعمال:
.
استخدمي قفازات و لازم يكون شعرك مبلل
.
طريقه الاستخدام:
.
رشي البخاخ على شعرك بالكامل و استخدمي مشط بلاستيكي عشان تتاكدي من توزيع مانزانيلا تمام.اتركيه على شعرك 24 ساعه دون غسل (مافيه ريحة)????
.
بعد الاستعمال:
.
انتظري 3 ايام لظهور نتيجة مانزانيلا على شعرك و يمكن استعمال الاستشوار لزياده تأثير مانزنيلا و اظهار النتيجه اسرع .يمكن اعادة طريقه الاستعمال على شعرك كل 3 ايام حتى تحصلي على اللون المطلوب.

ح اكملكم تجربتي اليوم بعد ماكملت 24 ساعه ب المشقر تبع مانزانيلا.. زي ماكتبو بالتعليمات انو اكون فيه لمده 24 ساعه.. .
غسلتو بالشامبو تبعي المعتاد و لانو كذا وحده منكم قالت شويا ينشف الشعر .. ف بصراحه ماانتظرت الين مااشوفو ينشفو.. قبل الشاور حطيت ماسك مرطب
.
بعد الشاور مااحب بصراحه انشف شعري بالاستشوار لو كان مبلل لسه انتظرو ينشف من حالو.. مالاحظت الحمدلله اي تنشيف بشعري او جفاف .. بالعكس لاحظت لمعه جميله بشعري و اللون جميل فتح لون شعري درجتين .. و لا مرا مو قالب اورنجي.. على بني افتح من لون شعري.
.
طبعا شعري بدون صبغه يعني لون شعري الطبيعي... بالنسبه للشيب ماشاءلله مااعاني منو ف مااقدر افتي لو يغطيه فعلاً او لا
.
و استفسرت معاهم.. .
*هل المنتج ب امونيا؟ قالولي لا مايحتوي على امونيا ابدا
.
*كذا بنت بيقولو الاصدار القديم احسن من الجديد ف ايش اختلفو ؟ المنتج اسباني ..قالولي المكونات ابدا مااختلفت لكن فيه منو تقليد صناعه مغربية انتبهو لمن تشتروه من مكان مو ثقه.
.
*اللون يدوم الين متى? اللون دائم و ينزل مع نمو الشعر فقط.
.
*يغير لون الشعر الاسود؟ جميلاتي انتو اقرأو الكومنتات في كذا وحده كاتبه تجربتها انو شعرها اسود و جربتو و النتيجه جميله.
.
مممم نسيت ايش كمان .
المهم مره مرررره مبسوطه من النتيجه حبيتها .. ح استخدمو تاني؟.. طبعاً بعد 3 ايام ح ارجع استخدمو.. ابغاه يفتح اكتر من كدا نفسي اشوف شكلي و لون شعري فاتح مرا.. ماحسيت شعري متضرر او ناشف حسيتو زي ماهوا الحمدلله.. .
.
كتبت بكل امانه ايش سار معايا و لو لاحظت شي سلبي كان قلت برضو انتو تعرفو قديش مايهمني الامصداقيتي معاكم❤️
.
و انتبهو من التقليد❤️