{ إِنَّ اللَّه هُوَ الرَّزَّاق ذُو الْقُوَّة الْمَتِين }

دودي ايش احسن منتج للرموش جربتيه؟

Posted by admin 16/02/2020 0 Comment(s)

.ح ارجع اعيد بوستاتي دي لانو مازالو كثير يسئلوني ايش احسن????
. .
.
ياعيون دودي انتو ... و لاني دايما انسئل عن ايت فيهم احلى ..!؟
.
ح اقلكم تجربتي بكل امانه بما اني جربتهم كلهم ..❤️
.
.
طبعاً اول واحد فيهم جربتو الحب رابدلاشز .. و بما انو وقتها كنت احتاج فعلياً لمنتج عنايه برموشي.. لاحظت فرق كبيييير و كبير جداً عشقتو حقيقي ك اول تجاربي وكاتبه رڤيو تفصيلي بتجربتي بنفس بوست الرابد لاشز ( المنتج فعال و جميل و سريع و سعرو مناسب نسبياً )
.
.
طبعا بعدو طلعت هبه ماڤالا و اورمانا .. للامانه ماڤالا كثرة  المدح عليه ( من زبايني ) لكن على المدى الطويل ح تشوفي نتيجه لماڤالا و بالاغلب قالو انو بالسمك و الكثافه اكثر من انو طول .. لكن انا شخصياً مااتحمل النتائج البسيطه فعلياً جربتو تقريباً اسبوعين .. ماطولت لاني ماعندي صبر ابدا ????..
( لكن المنتج بحسب كلام عميلات و اراء حلو نسبياً ك عنايه يوميه بنتائج بطيئه لكن بسعر ممتاز و في المنتاول .. بالاصح حجه للبنات الي يهملو العنايه بالرموش من ضمن العنايه اليوميه)

بعد تجربتي على مدى سنوات للرابد لاشز و عشقي له.. كلمتني وحده من جميلاتي نصحتني اجرب الراڤيتالاش مدحتو و طبعا مااقدر اقاوم مدح احد لشي خصوصاً لو كان مقرب مالو علاقه بالشهره .. المهم على طول طلبت الراڤيتالاش كتغيير عن الرابدلاشز
.
.
و يالله على جمال النتيجه صراحه كنت متوقعه نتيجه حلوه بس فعلياً ابهرتني من كل النواحي طول و كثافه و سماكه و صحه و لمعه .. ماشاءلله حتى رموشي السفليه مع انو مااتعمد احطلها منو الا انو حبيت كيف صارت ب دي الكثافه و السماكه و النتيجه مره سريعه و طبعاً من مميزاتو خلال عشره ايام بالكثير لاحظت الفرق.. استمريت عليه شهور بدأتو  تقريبا من رجب السنه الي فاتت و مازلت اعشق نتيجتو
( المنتج رائع بنتايج مبهرة و سريعه لكن السعر غالي نسبياً )
.
.
نجي ل اورمانا و بما اني حملت وسوست من استخدام اي منتج مني متأكدة من اثارو الجانبيه ف وقفت الراڤيتالاش.. و لاني مدمنه عنايه قررت ابدأ مع اورمانا بما انو بمكونات طبيعيه .. استمريت عليه الاربعه شهور لكن للامانه لانتيجه تذكر رغم اني اعتبر نفسي طولت بالاستخدام بس مافي نتايج تحمس لا من ناحيه حواجبي او رموشي بما انو انمدح للحواجب و الرموش.. غير انو مو عملي ابدا في التوزيع و طبعا سعرو مايعتبر رخيص ابدا .. اكيد انا ادري انو النتايج تختلف من وحده لوحده لكن دي تجربتي شخصياً للي بيسئلوني دايما ( منتج بدون نتايج تذكر و السعر غالي بالنسبه للفاعليه )
.
على كدا ح ارتبلكم هما من الافضل برأيي
.
الاول: راڤيتالاش للي عندها ميزانيه و تبغى نتيجه زي السحر بوقت سريع
.
الثاني: رابدلاشز للي حابه نتيجه جميله بوقت مناسب .
الثالث : ماڤالا للي عندها قوة صبر على طول مدة النتيجه و حابه عنايتها اليوميه برموشها و ميزانيتها محدوده
.
بدون ترتيب : اورمانا ماحبيتو ????
.
دا رأيي الشخصي و اكيد نحب نشوف تجاربكم

.

اكثر سؤال انسئلو ..
.
دودي لو وقفت منتج الرموش ح تطيح رموشي و تخف؟
.
.
حبايبي لازم تعرفو انو دوره حياة الرمشه قصيرة بحد اقصى شهرين و تطيح الرمشه و لو اهتميتي ممكن تزيد ل3 شهور .
دا شي طبيعي جداً سبحان الله تجدد نفسها ب استمرار و يطلع مكانها رمشه جديدة و تستغرق شهرين عشان عشان تنمو بشكل كامل .. النقطه الجميله في منتجات الرموش او العنايه اليوميه بالرموش.. انو تغذي و تسرع نموها و تحافظ عليها ل اطول وقت قبل سقوطها الطبيعي
.
عشان كدا اعتبر انا العنايه اليوميه بالرموش مهمه جدا زيها زي عنايتك ببشرتك و شعرك و جسمك .. مستحيل تستمر نتيجه عنايتك في بشرتك و جسمك و شعرك لو وقفتي عنايه فيهم
.
.
بالزبط زي الرموش... ف لو حابه توقفي عنايتك اليوميه برموشك وقفي زي ماتحبي بس لاتزيدي عن شهر او شهرين بالكثير ....برأيي المتواضع .. انا كمان زيي زيكم لانا دكتوره و لا احب افتي من عندي.. لكن اقرأ و ابحث
.
ف الي برأيها انو كلامي مو مقنع اكيد المفروض تبحث كمان و تشوف او تسأل دكاتره .. اما انا عن نفسي مااستغنى عن العنايه اليوميه برموشي ... و طبعاً مستحيل و لو بالسنه مره اركب رموش تركيب لانو ما احجي بعد اهتمامي اخرب كل شي و انتف رمشتي الطبيعيه مع نزعي للرموش التركيب
.
و كمان ماينفع تنامي و تطولي بالمسكارا او تحطي مسكرا ضد المويا وتربروڤ.. حاولي تختاري مسكرة تنشال بسهوله من غير عنف .. ( عاملوهم بلطافه ????)
.
و اي سؤال من عيوني
.
كمان اكتبو تجاربكم و اراءكم في المنتجات الي تكلمت عنها❤️

Write a Comment